لأفضل مذاق جربوها بالزبدة :استغنوا عن الزيت والحليب واستبدلوها بقالب زبدة ١٠٠غم ..
المقادير:
٣/٤ ١ كوب دقيق
١/٢ كوب نشا
رشة ملح
بيضتين
١/٤ كوب زيت نباتي
١/٤ كوب حليب سائل
١/٢ كوب سكر بودرة
ملعقة صغيرة فانيليا
الحشوة:
معجون تمر أو تمر لين منزوع النوى ومضاف له بهارات المعمول أو رشة يانسون وهيل وشمر.
الطريقة:
نحمي الفرن على درجة ٣٥٠ فهرنهايت تعادل ١٨٠سيلزيوس
نخلط البيض والحليب والزيت والسكر والفانيليا مع بعض..
نقلب الطحين مع النشاء والملح ثم نضيفهم على خليط البيض ونعجن.
بتكون العجينة لينة..””
رشي سطح العمل بالدقيق
نفرد كل قطعة أو نمدها بالطول
نمد عجوة التمر بالوسط
نلف الطرف الأول ثم الثاني
نقطعها بالتساوي
نرتب السطح بالشوكة
نخبزهم في الفرن ل١٥ دقيقة تقريبا ويصير جاهز.
*ملاحظات واقتراحات : ١- العجينة مايحتاج لها خميرة ولا بكنج بودر ٢-ممكن تضيفون بدل الفانيليا برش برتقال يعطي مذاق حلو مع التمر. ٣-طريقة التشكيل بالشوكة: امسكوا حبة البسكوت مع الجانبين بالابهام والسبابة عشان (ماتفغصون)العجينة وأنتم تضغطون بالشوكة
وبعدين وقفوا الشوكة فوق العجينة بشكل مائل وامشوا فوق الحبة عشان تحفر الخطوط تمام. ٤- ممكن تدهنون الوجه بحليب ثقيل أو صفار بيضة عشان تتحمر ..أنا حبيتها بيضاء ومادهنتها بشي. وبالعافية.