١- نخلط ٣ ملاعق طعام سكر عادي الناعم مع ملعقة طعام كاكاو بودرة ونغطي سطح العمل اللي راح تفردين فيه العجينة بنصف مقدار خليط السكر ٢-نفرد العجينة واستخدمت عجينة (السنبلة القطعة الواحدة) على خليط السكر المرشوش لحد ماتحصلين على مستطيل متساوي ومرتب عشان تطلع لكم بعدين الحبات متساوية
٣-رشي باقي خليط السكر فوق العجينة. ٤-اطوي نصف العجينة (مثل ماكان واضح بالمقطع ) لحد ماتوصلين منتصف المستطيل.
ثم أطوي النصف الثاني لحد ماتوصلين منتصف العجينة.
٥-قطعي لفافة العجين لشرائح بسماكة ٢سم تقريبا.
٦-تخبز في الفرن المجهز مسبقا على حرارة ٤٠٠ فهرنهايت /٢٠٠سيلزيوس بعد ١٠ لـ١٥ دقيقة تقريبا من دخولها الفرن اقلبوا الحبات عشان تتكرمل من فوق وتحت وتنشف.
٧-بعد ماتخلص اتركوها تبرد وتنشف..ممكن ترشونها بسكر بودرة وتنوكل بهالشكل راح تكون مقرمشة ولذيذة مع كوب شاهي ياسلام.. و ممكن تسون لها حشوة مثل الصورة وتقدم بهالشكل.. الحشوة: احتجت نصف علبة جبن فيلادلفيا وكوب سكر بودرة ممكن أكثر اذا تحبونه أحلى و ربع كوب كريمة الخفق وفانيليا .. تخلطين السكر والفانيليا والجبن إلى مايصير خليط كريمي ثم أضيفي عليهم الكريمة واخلطي لحد ماينفش الخليط شوي.. استخدميه للحشوة مع قطع فراولة أو توت ورشي الوجه بالسكر البودرة وبالعافية.
