بانكيك بالفرن

(اخر الموضوع يوجد فيديو الوصفة)

هذا البانكيك أعتقد إنه صاير هبة حاليا في أمريكا مع إنه من 2017 وهو معروف ! لكن لاحظت هالسنة 2020 أشوفه كثير عشان كذا أعتقد توه يصير الهبة ههههه.

صراحة فكرته جميلة جدا وسهلة وتغيير عن المعتاد ..

ممكن تسوونها ماربل يعني نصف الخليط أبيض ونصف شوكولاته وممكن ترشون سطحها قبل تدخلالفرن بالتشوكلت تشبس أو الفواكه .

تقدرون تسوونه بالوصفات المتعودين عليها للبانكيك وممكن تستخدمون خليط بانكيك جاهز حسب رغبتكم.

الأفضل يخبز على حرارة عالية حتى يخلص بسرعة ومايطول في الفرن وينشف ..وعشان نحاكي البانكيك العادي أقصد إنه يخبز بسرعة بالمقلاة وماياطول .

ممكن تستخدمون أي صينية وحجم الصينية يعطيكم السماكة اللي تحبون ..وعشان يعطيكم السماكة القريبة من سماكة البانكيك استخدموا مع هذهالوصفة قالب نفس أو قريب لمقاسات القالب اللي استخدمت ..

17 1/4" x 12 1/4"

المقاسات بالانش

المقادير:

المقادير الجافة:

2 كوب دقيق

2 ملعقة طعام سكر

1 ملعقة شاي بيكنج باودر

1/2 ملعقة شاي بيكنج صودا

1/2 ملعقة شاي ملح

المقادير السائلة:

2 كوب لبن (مو حليب)

3 ملاعق طعام زبدة مذابة

2 بيض

1 ملعقة صغيرة فانيلا

الطريقة :

1- يسخن الفرن على حرارة 450 فهرنهايت =230 سيلزيوس - وتجهز الصينية بورق الزبدة وتمسح بالزبدة أو الزيت.

2- نطلع اللبن قبل بساعة حتى تخف برودتخ أونحميه بالميكرويف تقريبا 35 أو 40 ثانية أو حتى يصير فاتر لكن مايكون ساخن انتبهوا. نضيف عليه الزبدة والبيض والفانيلا ونخلطهم.

3- نخلط المقادير الجافة مع بعض ثم نصب عليها خليط اللبن ونخلطهم مع بعض ومانطول بالخلط (عادي يكون فيه تكتلات)*

4- نصبه في الصينية ونوزعه جيدا ثم تخبز لمدة 15 ل25 دقيقة أو حتى تشوفون حواف البانكيك بدأت تشقر ..وبعد أن تشقر نحمرها من فوق .

5- بعد ماتتحمر نطلعها من الفرن ونمسح السطح مسخ خفيف بزبدة (يعطي طعم أحلى ) وممكن أول ماتطلعونها من الفرن تسقونها بشيرة البانكيك أو شراب القيقب أو العسل ,, أو تنتظرون بعد التقطيع و عند التقديم تقدمون معها السيرب وتزينونها حسب رغبتكم وبالعافية.