كوكيز الشوفان



استخدمت دقيق الشوفان في هالوصفة بدل الدقيق العادي وبالنسبة لي طعم الكوكيز فيه ألذ من طعمه بالدقيق العادي

استخدمت فيه دقيق الشوفان (OATS FLOUR)  من منتجات

BOB’S RED MILL 

وممكن نستخدم فيها شوفان العادي بس نطحنه مثل  كويكر أو رقائق الشوفان الكاملة من  هناء وهي الأفضل.

وإذا بتطحنون الشوفان: المقدار المطلوب للوصفة تاخذونه بعد الطحن .**


المقادير:

1 اصبع زبدة (100غم)

1 كوب سكر بني

ملعقة صغيرة فانيليا

1 بيضة

1/2  2  كوب دقيق  الشوفان

1/2 ملعقة شاي (بيكربونات الصوديوم)

رشة ملح

3/4 كوب حبيبات شوكولاته ممكن أكثر حسب رغبتكم

الطريقة:

١- نشغل الفرن على حرارة 350F تعادل 180

٢- نخلط الزبدة مع السكر والفانيليا لحد ما يتكون خليط كريمي


٣- نضيف البيضة ونخلط  لدقيقة لحد  ماتمتزج معه

٤- نجمع الشوفان والبيكربونات والملح مع بعض ونخلطهم بملعقة بس يتداخلون ببعض

٥- نضيف الدقيق على خليط الزبدة ونخلطهم

٦- نوقف خلط ونضيف الشكولاته ونخلطه مع العجين بالملعقة أو السابتولا

٧- بمغرفة الأيسكريم نوزع الخليط على الصينية مع وضع مسافة كافية بين كل كرة والثانية عشان مايلصقون ببعض أثناء الخبز


٨- ندخل الصينية للفرن بالشبك الأوسط من الفرن وننخبزها من 10 ل12 دقيقة تقريبا ..إذا تحبون تممكن تشقرونها من فوق

٩- طلعوها من الفرن ولاتحركونها بتكون لينة مرة وكأنها مااستوت وبس تبرد بتشوفونها تماسكت وصارت أصلب


بعد 10 دقايق تقريبا بتكون بردت شيلوها على شبك عشان تنشف من تحت ومايكون فيها بخار يخليها لينه .


الكوكيز جاهز وبالعافية



  • Twitter
  • YouTube
  • Instagram

جميع الحقوق محفوظة لمستكة © 2020