طريقة عمل حشوة الشاورما بالفرن



أحسن وأسهل طريقة لعمل شاورما بالبيت :

(المقادير لصحن صدور)


قطعي صدر الدجاج شرايح كأنك تقطعين خيار او بصل شرايح يعني لاتقطعونهن مربعات



بمحضرة الطعام أو خلاط الطماطم (الكاس) صبي فيه بيالة زيت اللي تحبين: زيت زيتون أو أي زيت نباتي مع فصوص ثوم وتوصي فيه وبصل صغير وقطعة صغيرة فلفل بارد وملح وقرفة مطحونة وفلفل اسود ..اخلطيهم ناعم مره. .


صبي الخلطة فوق الصدور المقطعة وقلبيهم تمام. .



انقليه لصينية الفرن وواسيها بالصينية بمستوى واحد تكون. .



قصدري الصينية ودخليها الفرن الحار



وأول ماتبدأ تطلع ريحتها بعد ربع /ثلث/نص ساعة فكي القصدير بتشوفين مويه نزلت من الصدور..تخلصي منها وحمري الصينية من فوق وبس يعني لاتحمرونها من تحت عشان ماتنشف.

واستمتعي بألذ شاورما منزلية.


على فكرة: أول ماتطلعونها من الفرن بتشوفونها كأنها قطعة وحدة ومتلاصقة ..بس راح تتفكك معكم على طول بالشوكة أو بالتقليب..وهذا أحسن شي إنها تكون مرصوصة عشان تصير الشاورما طرية ماتنشف .إضافة: ممكن نضيف للتتبيلة بشر برتقال نتفه يعني برأس الملعقة الصغيرة..يعطي نكهة حلوة ممكن بعد تتبلون الدجاج بالخلطة وتدخلونها الفرن على طول وممكن تخلونه بالخلطة ليله أو ساعات تطلع أطعم بس أنا أسويها على طول ماعندي وقت  وبالعافية..

0 comments

Recent Posts

See All
  • Twitter
  • YouTube
  • Instagram

جميع الحقوق محفوظة لمستكة © 2020