كور التمر بالشوفان

المقادير:

٢ كوب تمر معجون(معبوط)

١ و ٢/١ كوب شوفان

١/٤ كوب زبدة (استخدمت مكعبات الزبدة من لورباك50غم)

٣ ملاعق طعام سكر بني

١ ملعقة طعام كاكاو بودرة مر

مكسرات مجروشة للتغليف

الطريقة:

١/نفرش الشوفان في صينية وندخله الفرن دقيقة لدقيقتين بس يشقر لونه من فوق.

٢/ نذوّب مكعب الزبدة على النار الخفيفة ونضيف له السكر البني ونحركهم لحد مايمتزجون مع بعض ويصير مثل التوفي بس لايغلي كثير ..

٣/ نبعده عن النار ونضيف له الكاكاو .

٤/ بيدك أو بالعجانة أسهل لك اجمعي كل المقادير مع بعض (التمر_الشوفان_مزيج الزبدة ) واخلطيهم لحد مايتداخلون تمام.

٥/كوري التمر وغلفيه بالمكسرات اللي تحبين وبالعافية.