ميني برجر بالمرتديلا

أحب في رمضان أسوي الطبخات السريعة وماتضيع وقتي في المطبخ..لهالسبب أدور أسهل وأسرع الطرق للمعجنات 🙂

مثل ميني برجر بدل ماأقعد أعجن وأقسم وأكور وأتعب نفسي ..أختصرها وأفرد العجينة  وأقطعها دوائر ..

هذه الفكرة بس من هالتدوينة وقلت مرة وحدة أكتب مقادير العجينة والحشوة يمكن تعجبكم :)وممكن تسوون أنتم عجينتكم وحشوتكم اللي معتمدينهم.

المقادير:

2 كوب دقيق

1/2 ملعقة أكل خميرة

2 ملعقة أكل سكر

2 ملعقة أكل زيت

رشة ملح

كوب لبن *بحرارة المطبخ (وممكن تحتاجون أكثر حسب نوعية الدقيق: بالنسبة لي احتجت كوب وربع لبن)

الطريقة:

نخلط المقادير الجافة مع بعض ثم نضيف عليها اللبن والزيت ونعجنها.

.ممكن تحتاجون ماء أو دقيق زيادة للعجينة بس كل ماكانت العجينة لينة بيكون الخبز هش وخفيف ومايكون ناشف.

اتركوها تتخمر ويتضاعف حجمها ..(احتاجت بحرارة مطبخي 45 دقيقة ).

بعد ماتخمرت نرجع نعجنها عجنة خفيفة باليد..

نفردها على سطح مرشوش بالدقيق بس خلوها عريضة السماكة تقريبا مرتفعة 1سم ونصف.أحسن تكون أرفع يعني ماتكون نحيفة عشان ماينقلب خبز البرجر لخبز مفرود. 🙁

تقطع بالقطاعة أو الكوب ونعجن باقي العجينة ونفردها مره ثانية ونقطعها مثل ماسوينا بالاول.

_DSC0168

نرتب الدوائر بصينية الفرن ونغطيها بمنشفة أو بلاستك عشان ترتفع زيادة على مانشغل الفرن ويحتمي للحرارة المطلوبة تقريبا 15 دقيقة.

حرارة الفرن 425فهرنهايت تعادل 220 سيلزيوس تقريبا.

ندهن السطح بصفار بيض مخفف بشوية كريمة أو حليب ونرشها بالسمسم ,,

MOCK UP 1 (11)

ماتاخذ وقت بالفرن تقريبا 10 دقايق وتجهز .

شعار

الحشوة :

الحشوة اللي بالصورة كانت عبارة عن حلقات مرتديلا واستخدمت فيها مرتديلا دجاج بالزيتون من الوطنية اللي تجي اسطوانية صغيرة.

._DSC0179

دهنت الخبز بعد ماقطعته من الوسط بمايونيز مخلوط مع خردل ومخلل خيار مبشور ناعم ..

بعدين قطعة خس ثم مرتديلا ثم أخذت شريحة جبن قصيتها على شكل زائد عشان كل مربع صغير يطلع قد الخبزة.

شعار 1 _DSC0183

أدري الحشوة مافيها ابتكار بس مثل ماذكرت أبي شي سريع ويحبونه عائلتي وتغيير عن المعتاد.. 🙂

 

 

 

 

 

share
Share

2 comment(s)

جمييييييييييييييلة ياعفاف يارائعة إنتِ
بسم الله ماشاء الله بورك فيك

Leave a Reply

Your email address will not be published.