كيكة الجزر

الكيكة هذه سهلة وحبيت أخلط فيها الجزر ناعم بالخلاط مع الزيت والبيض عشان يذوب بالخليط ويتجانس معه ..وبيني وبينكم : (عشان الأطفال مايشوفون إنه فيه شي يبين إنها كيكة جزر مثل مبشور الجزر ويعتقدون إنها كيكة عادية وياكلونها هههه)

فيه كثير وصفات أجنبيةيحبون يستخدمون فيها مع الجزر قطع الأناناس أو البرتقال أو المشمش لأنه يعزز نكهة الكيكة وطعمها والبعض كان فيها موز أو تفاح أتوقع عشان يعطيها طراوة أكثر ببالاضاافة للطعم  ..وأيضا تكون الكيكة مكونة من سكر بني وأبيض ,فحبيت إني اكتفي بالسكر البني وأضرب عصفورين بحجر هههه بإضافة المربى بحيث يعطيني طعم نكهة إضافي وحلاوة للكيكة .

ممكن الكيكة تنخبز بصينية وحدة أو صينيتين أصغر دائريتين ونسويها طبقتين بينهم حشوة فروستنق الجبن حسب رغبتكم ..

المقادير:
٢كوب دقيق
٢ كوب جزر مقطع مكعبات أو شرايح أو مبشور
٣ بيضات
٣/٤ كوب زيت
١ كوب سكر بني
٢ ملعقة طعام مربى(مشمش أو أناناس أو برتقال أو تفاح)
٢ ملعقة صغيرة باكنج بودر
١ ملعقة شاي باكنج صودا(بيكربونات)
١ ملعقة شاي قرفة مطحونة
رشة مسمار(قرنفل)مطحون
رشة ملح
١/٣ كوب جوز مجروش(عين الجمل)

الطريقة:
في البداية نحمي الفرن على حرارة ٣٥٠ تعادل ١٨٠سيلزيوس (٤غاز)
١)نخلط الدقيق والبيكربونات والباكنج بودر والملح والقرفة والمسمار مع بعض ونتركهم على جنب.
٢)في خلاط الكاس نخلط البيض والجزر والزيت لنحصل على خليط ناعم . ٣)نصب الخليط في زبدية ونضيف له السكر البني والمربى ونضربهم مع بعض بخلاط الكيك ..

yes222345-0004 yes222345-0005
٤)نضيف نصف كمية الدقيق على الخليط ونخلطهم ثم نضيف باقي الدقيق .
٥)نضيف الجوز ونخلط بالملعقة ثم نصب الخليط في صينية مدهونة أو مبطنة بورق الزبدة وندخلهم الفرن ..تحتاج من ٣٠ل٤٥دقيقة في الفرن على ماتستوي

yes222345-0019
٦) عند التقديم يغطى الوجه بالفروستنق وتقطع مربعات ..(إذا ماتحبون الفروستنق ممكن تتقدم سادة أو مرشوش بشوية سكر بودرة مخلوط بالقليل من القرفة)
yes222345-1203
مقادير الفروستنق:
٢٠٠ جرام جبنة فيلادلفيا أو ١١حبة جبن كيري
١كوب +ملعقتين طعام سكر بودرة
فانيليا أو بشر برتقال
نخلط مقادير الفروستنق بخلاط الكيك حتى يختلط زين ويصير كريمي .
ندهن سطح الكيك بالفروستنق ونقطع الكيكة بسكين حادة ونمسحها بمنديل بعد كل صف نقطعه ..عشان يصير شغلنا مرتب ونظيف وماتبقع الكريمة اللي بالسكين بكيكتنا ❤️

yes222345-0024 yes222345-0026 yes222345-0027

share
Share

Leave a Reply

Your email address will not be published.