طريقة عمل حشوة الشاورما بالفرن

أحسن وأسهل طريقة لعمل شاورما بالبيت :
(المقادير لصحن صدور)

قطعي صدر الدجاج شرايح كأنك تقطعين خيار او بصل شرايح يعني لاتقطعونهن مربعات

_DSC0272-2

بمحضرة الطعام أو خلاط الطماطم (الكاس) صبي فيه بيالة زيت اللي تحبين: زيت زيتون أو أي زيت نباتي مع فصوص ثوم وتوصي فيه وبصل صغير وقطعة صغيرة فلفل بارد وملح وقرفة مطحونة وفلفل اسود ..اخلطيهم ناعم مره. .

صبي الخلطة فوق الصدور المقطعة وقلبيهم تمام. .

_DSC0274-2ر_DSC0275-2

 

انقليه لصينية الفرن وواسيها بالصينية بمستوى واحد تكون. .

_DSC0276-2

 

قصدري الصينية ودخليها الفرن الحار

_DSC0277-2

 

وأول ماتبدأ تطلع ريحتها بعد ربع /ثلث/نص ساعة فكي القصدير بتشوفين مويه نزلت من الصدور..تخلصي منها وحمري الصينية من فوق وبس يعني لاتحمرونها من تحت عشان ماتنشف.
واستمتعي بألذ شاورما منزلية.

_DSC0279-2

_DSC0300-2

على فكرة: أول ماتطلعونها من الفرن بتشوفونها كأنها قطعة وحدة ومتلاصقة ..بس راح تتفكك معكم على طول بالشوكة أو بالتقليب..وهذا أحسن شي إنها تكون مرصوصة عشان تصير الشاورما طرية ماتنشف
.إضافة:
ممكن نضيف للتتبيلة بشر برتقال نتفه يعني برأس الملعقة الصغيرة..يعطي نكهة حلوة
ممكن بعد تتبلون الدجاج بالخلطة وتدخلونها الفرن على طول وممكن تخلونه بالخلطة ليله أو ساعات تطلع أطعم بس أنا أسويها على طول ماعندي وقت  وبالعافية..

share
Share

4 comment(s)

ما شاء الله المدونة رائعة ومفيدة جزاك الله كل خير اسمحي لي باضافة هذي الوصفة للشورما و جربيها
شورما دجاج ” اخذتها متن مدونة توب شيف الصراحة ما جربتها لكن هالطباخ وصفاته كلها ناجحة اللي جربتها ” http://topchefcooks.com

تبلي صدور الدجاج قبلها بيوم ، بس خليها صدور كامله لا تقطعينها .
كوب زبادي
ملعقتين كبار عصير ليمون
٤ فصوص ثوم مهروسة
١/٢ ملعقة صغيرة شطة
ملعقة كبيرة خل
ملعقة كبيرة بصل مفروم
ملح وفلفل
زيت زيتون
جوزة طيب

هذي تتبيلة أساسية بس لو تبين عدلي عليها على كيفك وترى الكميات بس خطوط عامة يعني غيريها بعد على كيفك .
بعد يوم طلعي الصدور من التتبيلة . أنا أشويها في الفرن ، الفرن فيه شواية من فوق شغليها وخليها تسخن زين بعدين أرفعي صينية الفرن على الرف العلوي .
شيلي شوي من التتبيلة حقت الدجاج يعني لا تخلين الدجاج مغطى بالتتبيلة عشان ما تنحرق بالفرن ، حطي الصدور في الصينية وعلى الشواية . أطبخيها إلين تستوي و أقلبيها مرة .
هذي الطريقة تعطي نفس تأثير الشاورما العادية بفرق بسيط هو إن الدجاج ما يجي ناشف زي الشورما العادي يجيك رطب . الشورما لو لاحظتي دجاج مشوي لا أكثر ترى .
بعد ما يستوي الدجاج قطعية صغار وخلصنا !! لو تبين بعد يمديك تسوين معاها الخبز العربي .
احد ردوده على الاسئلة
بعدين صفي الدجاج من التتبيلة و أمسحي التتبيلة .
بعدين حطي صينية الفرن على أعلى رف وشغلي الشواية حقت الفرن . بالعربي النار بتشتغل من فوق وبتحطين الدجاج قريب من النار وبكذا تصير شواية بس بالمقلوب بدال ما الحرارة تجي من تحت تجي من فوق . خليها تحتر زين بعدين حطي الدجاج .

[email protected] says:

مشكورة على اإضافة واالطريقة اللي ذكرتها ماتنشف الصدور لأني مااتركها بالفرن وقت طويل ..إن شاء الله تجربينها وتعجبك ..يعطيك العافية.

ماشاء الله شكلها يششهي 😍 اثق بوصفاتك دايم ناجحه 👌 بسالك عندك طريقة صلصة ثوم بدون بيض ؟

[email protected] says:

تسلمين االله يحفظك..
الثومية أسهل طريقة تصلحينها:
راس ثوم كامل ..قشري الفصوص وحطيها في الخلاط مثل (خلاط طماط أو محضرة الطعام) وأضيفي عليه رشة ملح ونقط من عصير ليمون .
شغلي الخلاط وأضيفي زيت زيتون خلال الخلط وخليه يصب مثل (الخيط )يعني لاتصبينه دفعة وحدة بعد ماتوصل الخلطة للكثافة اللي تحبين وقفي صب الزيت ووقفي الخلط وبس هذه الثومية,,وبالعافية

Leave a Reply

Your email address will not be published.