لأفضل مذاق جربوها بالزبدة :استغنوا عن الزيت والحليب واستبدلوها بقالب زبدة ١٠٠غم  ..

المقادير:
٣/٤ ١ كوب دقيق
١/٢ كوب نشا
رشة ملح

بيضتين
١/٤ كوب زيت نباتي
١/٤ كوب حليب سائل
١/٢ كوب سكر بودرة
ملعقة صغيرة فانيليا

الحشوة:
معجون تمر أو تمر لين منزوع النوى ومضاف له بهارات المعمول أو رشة يانسون وهيل وشمر.

الطريقة:
نحمي الفرن على درجة ٣٥٠ فهرنهايت تعادل ١٨٠سيلزيوس
نخلط البيض والحليب والزيت والسكر والفانيليا مع بعض..
نقلب الطحين مع النشاء والملح ثم نضيفهم على خليط البيض ونعجن.
بتكون العجينة لينة..””
رشي سطح العمل بالدقيق

_DSC0756

نقسم العجينة ل6 أقسام متساوية

_DSC0757

نفرد كل قطعة أو نمدها بالطول

_DSC0759

نمد عجوة التمر بالوسط

_DSC0761

نلف الطرف الأول ثم الثاني

_DSC0764

 نقطعها بالتساوي

_DSC0766

نرتب السطح بالشوكة

_DSC0767

نخبزهم في الفرن ل١٥ دقيقة تقريبا ويصير جاهز.
. ✳️ ملاحظات واقتراحات :
١- العجينة مايحتاج لها خميرة ولا بكنج بودر
٢-ممكن تضيفون بدل الفانيليا برش برتقال يعطي مذاق حلو مع التمر.
٣-طريقة التشكيل بالشوكة: امسكوا حبة البسكوت مع الجانبين بالابهام والسبابة عشان (ماتفغصون)العجينة وأنتم تضغطون بالشوكة

 وبعدين وقفوا الشوكة فوق العجينة بشكل مائل وامشوا فوق الحبة عشان تحفر الخطوط تمام.
٤- ممكن تدهنون الوجه بحليب ثقيل أو صفار بيضة عشان تتحمر ..أنا حبيتها بيضاء ومادهنتها بشي.
وبالعافية❤️

share
Share

10 comment(s)

حبييت الطريقة سهله جدا ماشاءالله بس حابه اسويها بالدقيق الكامل واحشيها فستق اي اقتراحات في التغيير او امشي عليها نفسها؟ ويعطيك العافية ما قصرتي

[email protected] says:

الله يعافيك..أنتِ ماحددتي لي ناويه تسوينه بالزبدة أو الزيت والحليب؟ صراحة ماجربت بدقيق البر ..بس البر احيانا يحتاج لترطيب أكثر سواء بسوائل أو زبدة ..أنا أقترح عليك و(أنا ماجربت) تستبدلين السكر البودرة بسكر بني..والسكر البني اللي أقصده الرطب اللي نستخدم في الكوكيز (لأن كثير يلخبطون بينه وبين السكر البني الناشف الحبيبات اللي يكون مع السكر العادي) السكر البني يساعد بترطيب البسكوت أو المعمول ويخليه يكون لين مايكون ناشف.

حابة اجربة بزيت جوز الهند😻 إن شاءالله راح امشي على نصيحتك واقولك ايش يطلع معاي يعطيك العافية على ردك السريع ماقصرتي

حابة اجربه بزيت جوز الهند😻 راح امشي على نصيحتك وأقولك ايش يطلع معاي شاكرة لك ردك السريع ويعطيك العافية ماقصرتي

[email protected] says:

بانتظار تجربتك وكلي حماس للنتيجة

السلام عليكم
طبقت الوصفة لكن واجهت صعوبات لأن الشرح غير دقيق
في الاول احترت اعملها يدوي او بالآله
و كذلك مافي صور لخليط البيض و الزبدة ،و ايضا ماذكرتي كم سماكة الفرد فطلعت معاي شبه رفيعه ومو حاسه غير فطعم التمر و مافي صور للبسكوته توضح درجه الاستواء ، و ما فهمت ايش هو الحليب الثقيل فدهنتها بصفار بيض فطلعت النتيجه سيئة شكل البيض ظاهر و آخر شي تشقق البسكوت .
انا مو قصدي أنتقد وصفات جميلة و تعجبني و احب اطبقها ، فأنا حبيت الوصفه و حابه اطبقها مره ثانية و لكن بالشكل الصحيح مثل ما تسوينها إنتي .
و شكرا ..

[email protected] says:

وعليكم السلام حياك الله
بالعكس أشكرك لذكر تجربتك وآسفة اذا فيه شي ماكان واضح..
ياليت أرسلتي لي هنا او بالانستقرام كل اللي كان ملتبس عليك قبل ماتسوينها واساعدك.
درجة الاستواء : انا ماحمرتها وحبيتها بيضاء ..والحليب الثقيل: يعني حليب مركز مثل وادي فاطمة أوحليب بودرة مخفف بماء.
تشققت ممكن يكون لسببين: ١)وقت الشغل عليهن يمكن طولتي متدخلين الفرن وكانن مكشوفات ونشف سطحهن ..وبعد مادخلتيهن الفرن مع الحرارة تشققن.(المعمول والبسكوت الاحسن اذا بتستغرقين وقت طويل بالشغل عليهن تغطين كل مجموعة تخلصين منهن إلى مايجي وقت دخولهن الفرن)
٢)السبب الثاني ممكن يكونون طولوا بالفرن أو حرارة الفرن عندك عالية.
يكونون برف الفرن الأوسط وعلى حرارة ٣٥٠فهرنهايت يعني تعادل ١٨٠درجة مئوية ..انتي شوفي فرنك بالفهرنهايت او المئوية عشان تختارين الدرجة المناسبة .

بالنسبة للعجينة مرات أصلحها بالعجانة ومرات اصلحها بإيدي يعني أخفق المقادير اللي تحتاج خفق بالمضرب اليدوي وبعدين اعجن الباقي بإيدي.
ريحة البيض:يمكن من البيض اللي استخدمتيه بالدهن أو نوعية البيض اللي استخدمتي بعضهم له ريحة.
أعتذر مره ثانية إذا تسببت بأي خطأ أو عدم وضوح بالوصفة سبب لك تعب وصعوبة.

ممكن سؤال وش السبب ان التمر يقسى داخل البسكويت وتقبلي خالص شكري وإعجابي بصفحتك

[email protected] says:

احيانا نوع التمر وكل ماكان التمر لين كل ماكان افضل ..انا بجميع وصفاتي استخدم التمر المكنوز (الكنيز) نوع الخلاص ومااستخدم المعجون الجاهز لانه ناشف خاصه اذا كان تاريخ صنعه من عام .الافضل لاي حشوة تمر سواء معجون او مكنوز تخلطين معها زبدة .
وانتبهي لمدة الخبز في الفرن ..دائما البسكوت والمعمول وغيره ماتحتاج تحمير ولا وقت طويل بالفرن عشان ماتنشف من برا او تنشف حشوتها .وشكرا لك على اطرائك

Leave a Reply

Your email address will not be published.