الخبز السريع من دون تخمير

الخبز هذا مايأخذ وقت منكم يعني مدة تحضيره وخبزه قد تستغرق

نصف ساعة فقط.

ممكن يكون مثل فكرة النان : يعني بعد مايخلص تدهنونه زيت زيتون وكزبرة وثوم يممممي

في هذه الوصفة حبيت أضيف الشمر والحبة السوداء لأني أحب طعمهم في الخبز مع الشوربات

راح تلاحظون أول مايخلص الخبز إنه ناشف لذلك الأفضل تحطونه في قدر وتغطونه وهو حار عشان يلين .

المقادير:

1 كوب دقيق +2 ملعقة طعام دقيق

(ممكن تحتاجون دقيق زيادة)

1 ملعقة شاي بيكنج باودر

1 ملعقة شاي سكر ناعم

رشة ملح

علبة زبادي 170 غم

1 ملعقة طعام زيت زيتون

1 ملعقة شاي (شمر-حبة سوداء)

الطريقة :

نخلط المقادير الجافة مع بعض

نضيف عليهم الزبادي والزيت

 نعجنها وراح تكون لينه مره

انقلي العجينة على سطح مرشوش بالدقيق

  تبلل اليدين بالزيت وقطعي العجينة لقطع  أصغر من البيضة وتكور

  تفرد لأاقراص  وترتب بصينية الفرن وممكن تخبزونها على الصاج

تدخل الفرن مع تشغيل الفرن من فوق فقط على أعلى حرارة

بعد ماتخلص ممكن تدهنونها بزيت زيت زيتون وتغطونها عشان تلين وبالعافية

share
Share

Leave a Reply

Your email address will not be published.